Nagsasagibo an gobyerno nin mga lakdang tanganing mapababa an epekto kan mahal na presyo kan produktong petrolyo asin mga pagkakan sa mga pamilyang Pilipino.
Ini an tinawan-doon ni President Ferdinand Marcos Jr. asin kabali digdi an fuel subsidies para sa sektor kan transportasyon, pagpababa kan taripa sa imported rice, asin pagpapahewas kan programang P20 kada kilo nin bagas.Sigon sa Presidente, nasa 7.5 milyon na pamilyang Pilipino an nakikinabang sa mga programang ini.
Inako man ni Pres. Marcos na naantala an paggastos kan gobyerno huli sa masusing pagsusuri sa national budget alagad sinabi kaini na pinapadali na an public spending tanganing makahabol sa target antes matapos an taon.
Manungod man sa maluyang na paglago kan ekonomiya, sinabi kan Presidente na dakulang epekto ini kan krisis sa enerhiya asin an pankinaban na kawaran nin kasigurohan.
Dagdag pa kaini, importante na maibalik an katatagan kan presyo kan mga barakalon asin kan ekonomiya tanganing mainkaminar an mga investor na mag-invest sa nasyon.
Tinawan-doonpa kan Presidente na igwa nang mga lakdang an gobyerno tanganing mapanagot an mga sangkot sa korapsyon asin obheto kaining mamantiner an tiwala kan mga mamumuhunan sa nasyon.
