Nagsagibo nin hiro protesta an grupo kan mga na dismiss na trabahante kan Light Rail Transit Authority kan nakalihis na aldaw sa hampang kan Korte Suprema.
Pangapudan kan grupo sa kataas-taasang hukoman na paboran an saindang panduwang pigsunad na MOR makalihis na ibasura an saindang enot na apelar tanganing makua an saindang mga money claim.
Kun marurumduman, basado sa nagin desisyon kan Supreme Court kan nakalihis na bulan kan Agosto, pinagtibay kaini an findings kan COA na nagsasaysay na dae na pwedeng makakua nin anuman na kompensasyon an mga na dismiss na trabahante kan Light Rail Transit Authority.
Napag-araman kan terminated na an kontra kan Metro Transit Organization Inc. sa Light Rail Transit Authority makalihis na dae na i-renew kan LRTA an kasunduan kaini.
Huli digde, nagsunad an mga obrero nin reklamo kontra sa Metro Transit Organization Inc. asin Light Rail Transit Authority huli soboot sa illegal dismissal.
Ipinagsugo kan Labor Arbiter sa duwang kumpanya na bayadan an mga obrero nin P208.2 million komo separation pay asin backwages.
Hurot kan SC, mayong hurisdiksyon an Labor Arbiter asin National Labor Relations Commission sa LRTA kaya dae na ini liable sa nasambitan ng ulayan.
