Naghahagad an business group na Management Association of the Philippines (MAP) na dapat magkaigwa nin mga serye kan konsultasyon antes ipautob an P200 na dugang sa aldawang sahod kan mga minimum wage earners.
Sigun ki MAP President Alfredo Panlilo, na dapat dae magpadalos-dalos an gobyerno asin hilingon muna an magigin epekto kaini sa ekonomiya.
Pigtawan-duon kan grupo na saindang pigsusuportaran an inisyatibo para sa pagpapagayon kan pamumuhay kan mga minimum wage workers asin an saindang mga pamilya.
Pig-enkaminar man ninda an bicameral committee na maiangat nindang ikonsiderar an potensiyal na epekto kaini orog na sa mga sararadit na negosyante.
Nanindugan an grupo na an problema sa nasyon an bakong hababang sahod imbes iyo an mga haralangkaw na presyo kan mga pangenot na barakalon.
