NAGA CITY- Tinawang onra kan Department of Educationa (DepEd) an Camarines Sur Teachers’ Choir makalihis manggana an mga ini sa 4th North Sumatra International Choir Competition sa Parapat Sumatra, Indonesia.
Sa entrevista kan Bombo Radyo Naga ki Regional Director Dr. Gilbert Sadsad kan Department of Education Bicol, sinaysay kaining labi an saiyang kaogmahan sa trayumpo kan saiyang mga pagiriba.
Segun ki Sadsad, nanggana an mga ini nin sarong silver medal sa church music asin gold medal man sa mixed choir category.
Dugang pa kaini, mayo suboot sindang maitaong tabang pinansyal alagad pirmi man sinda nakaantabay para magtao nin moral support asin pangadyi sa mga aktbidad na kababalehan kan nasambitan ng grupo.
