Halangkaw na heat index sa Camarines Sur, posibleng rason kan grass fire sa nagkapirang parte kan probinsya
NAGA CITY – Pighihiling na rason kan Bureau of Fire Protection (BFP) Lupi an nagbungkaras na grass fire sa pirang parte kan probinsya nin Camarines Sur huli sa halangkaw na heat index sa probinsya.
Sa entrevista kan Bombo Radyo Naga ki SFO3 Nezzzer Montalbo, tagapagtaram kan BFP Lupi, sinaysay kaini na sa presente, sarong kasulo pa sana an nairehistro sa banwaan kan Lupi kun saen sarong ining vehicle fire incident, alagad padagos pa man an saindang pangapodan sa publiko na siertohon an saindang mga kagamitan na pwedeng paggikanan kan kasulo, orog na ngunyan na naeeksperyensiyahan an halangkaw na heat index sa nasambitan ng probinsya.
Mientrastanto, saro man ini sa posibleng rason kun tano nairerehistro an mga grass fire sa pirang parte kan probinsya. Huli man digdi, liwat nagpagirumdom an opisyal na likayan an pagsisiga sa mga marekas na masulo.
Katakod kaini, padagos pa man an saindang pigsasagibong Oplan Ligtas na Pamayanan tanganing malikayan na may mairehistro pang kasulo sa saindang banwaan.
