Nag-abot na sa 899 na foreign nationals an presenteng naka-detain sa custodial facility kan Presidential Anti-Organized Crime Commission (PAOCC) sa Pasay City.
Katakod ini sa sunod-sunod na raid kan PAOCC na may konkeksyon sa Philippine Offshore Gaming Operator (POGO) operations sa mga nakalihis na semana.
Sigun sa PAOCC, madali na ining mapano nin huli ta 1,500 man sana an kapasidad kan nasambitan ng detention facility sa Pasay City.
Nasa 1000 foreign nationals an naghahalat na sana kan saindang deportation sa mga masunod na semana asin man pighahalat na sana an pagproseso kan saindang mga dokumento.
Kabali digde an nasa haros 300 foreign nationals na kapot kan Bureau of Immigration kun saen pinakadakol sa numero na ini iyo an mga Chinese nationals, sunod an mga Vietnamese, at huri an mga Indonesian.
Sa karkulo kan PAOCC, nasa 9,000 pa an foreign nationals na may koneksyon sa POGO an nagtitinir sa nasyon.
