NAGA CITY- Nabiktima nin illegal recruiter an haros 30 mga indibidwal na hale sa manlaen laeng mga lugar sa Ilocos Sur, Abra, La Union, Pangasinan, Camarines Sur, Cagayan asin Bulacan makalihis na promesahan na matatawan suboot an mga ini nin trabaho sa nasyong New Zealand na nangyari sa banwaan nin Tiaong, Quezon.
Sa nakuang impormasyon kan Bombo Radyo Naga, nagpasiring suboot sa hepatura kan PNP Tiaong an 25 mga indibidwal para ireklamo an suspek na si Nathalie Rebibis, 50-anyos an pigtutukdong recruiter kan mga ini para matawan suboot sinda nin trabaho sa New Zealand.
Basado sa pahayag kan mga biktima, naghagad suboot sa sainda an suspek na si Rebibis nin placement fee para makapagtrabaho sinda sa nasambitang nasyon.
Alagad, kan iberipikas suboot sa opisina kan Philippine Overseas Employment Agencies (POEA), digdi na naaraman kan mga biktima na bakong accredited o empleyado kan dawa anong agency o recruitment office an suspek.
Nalalay kan suspek an labi sa kabangang milyon na kantidad nin kwarta na hale suboot sa biktima.
Sa ngonyan, inaandam na an kasong large scale estafa na isasangat laban sa nasambitang suspetsado.
