Nag-abot na sa labi sa 1.58 milyones na miembros kan Iglesia Ni Cristo (INC) an nagtiripon para sa National Rally for Peace sa Quirino Grandstand.
Basado sa datos na pinaluwas kan Manila Public Information Office, an bilog na Quirino Grandstand napano nin mga miembros kan INC, gabos nakasulot nin puti, nagkukurahaw nin pangapudan para sa katoninongan, pagkasararo, pagtatarabangan, asin bakong pulitika.
Antes na mag-alas 5:30 nin hapon, natapos an rally asin an mga miembro kan sekta luway-luway na naghale pasiring sa saindang kanya-kanyang lugar.
Dakul man na mga miyembro kan INC gikan sa ibang lugar an nagbiyahe man pasiring sa Metro Manila para makisumaro sa dakulang rally.
Kadaklan sa mga ini gikan pa sa Rehiyon nin Calabarzon, Sentral na Luzon, asin iba pang mga rehiyon na harani sa Rehiyon Nasyunal na Kapital.
Pagkatapos kan rally, labi man na lininig kan mga miyembro an saindang mga kalat. An Metropolitan Manila Development Authority (MMDA) dati nang nagdeploy nin labi sa 1,200 na personahes mantang an Philippine National Police (PNP) nagdeploy man nin labi sa 4,400 na personahes ngani na magbantay sa nasambitan ng rally. Kabali digdi an duwang urban search and rescue teams hale sa Philippine Army – 525th Engineer Combat Battalion (525th ECB).
Apwera sa sainda, an labi sa 17,000 na mga miyembro kan Disaster Preparedness and Emergency Response kan Society of Communicators and Networkers (SCAN) an nagtabang man na maseguro an kahusayan sa bilog na rally.
Mientrastanto, si Bise Presidente Sara Duterte nagpaabot nin dakulang pasasalamat sa mga nag-atendir sa massive peace rally kan Iglesia Ni Cristo (INC).
Segun sa Bise Presidente, nagpapahiling ini nin pagkasararo na an solamenteng kamawotan iyo an katoninongan pasiring sa pag-uswag kan nasyon.
Pig-omaw asin pinasalamatan man kan Bise Presidente an INC sa padagos na paghihingoa na magdara nin pagkairintindihan asin pagkasararo sa ibong kan sinabi kaining naeeksperyensyahan sa presente sa presyo kan mga barakalon, katiosan, asin iba pang problema.
