Naitala an “Acutely unhealthy” na kalidad kan paros sa tolong lugar sa Metro Manila kasunod kan pag-abot sa nasyon kan haze na konektado sa mga sulo sa Kalimantan, Indonesia.
Base sa monitoring kan DENR-Environmental Management Bureau sa National Capital Region (EMB-NCR) kan Martes na banggi, Setyembre 1, naitala an AQI sa 229 sa Don Bosco, Parañaque; 215 sa Las Piñas; asin 202 sa Quezon City-Ateneo.
Nasa “very unhealthy” naman an kalidad kan paros sa sampulong iba pang monitoring ares sa Metro Manila kabali an Makati, Malabon, Mandaluyong, Manila, Marikina (Parang), Muntinlupa (Filinvest), Quezon City (Commonwealth), San Juan City, Taguig (TUP), asin Valenzuela.
Pig-eksplikar kan DENR-EMB na an aso hale sa nagpapadagos na sulo sa Kalimantan posibleng dinara sa Pilipinas kan Southwest Monsoon o Habagat. An haze piglalaoman na magpapadagos sagkod sa Setyembre 3 huli ta an mga sulo padagos na aktibo.
Mientrastanto, inaabisuhan man giraray an mga lokal na gobyerno sa publiko na magsulot nin face mask kun maluwas.
