Binawian na nin buhay an Hollywood actor na si Terrence Stamp sa edad na 87-anyos.
Pigkumpirmar ini kan saiyang kaparientes alagad dae na nagtao pa nin ibang detalye sa rason kan saiyang kagadanan.
Nabisto an aktor sa saiyang pagganap komo kontrabida sa pelikulang Superman asin Superman II.
Ipinangaki si Terence Henry Stamp sa East End sa London kan 1938 kun saen nag-untok ini sa pag-aadal asin nagin messenger boy sa sarong advertising company.
Tolos na-promote si Stamp antes na nanggana nin scholarship tanganing makapag-adal sa sarong drama school.
Itinago kaini sa saiyang pamilya an pag-arte sa pelikula sa paglaom na maangot an saiyang pamilya.
Apwera sa pelikulang Superman kan 1978 kaibahan si Christopher Reeves, kabali man si Stamp sa pelikulang Valkyrie ni Tom Cruise kan 2008 asin The Adjustment Bureau kaibahan si Matt Damon kan 2011.
Taong 2002 kan pigkasal si Stamp sa enot na pagkakataon sa edad na 64 ki Elizabeth O’Rourke na sarong pharmacist kun saen 35-taon an agwat ninda alagad nagsuhayan man sana kan taong 2008.
