Nairehistro kan Hong Kong an record-breaking na pag-uran ngunyan na bulan nin Agosto makalihis an bagyo na nagtama sa lugar.
Kun saen, poco mas o menos 356mm kan pag-uran an naikurit kan opisina kan Hong Kong Observatory.
Ini man an haros bakong pangkaraniwan sigun sa weather agency.
An makusog na pag-uran asin pagbugso kan duros an naghantong sa dakulang pagkaantala sa Hong Kong International Airport.
Dae mababa sa 431 na mga flight kan pasahero asin kargamento an naantala, kaibahan 12 serbisyo na nakanselar alas 4 nin pagkahapon, sigun sa Flightradar24.
Apwera digde, nadanyaran man an mga eskwelahan, nagkaigwa nin pagkauktaba sa serbisyo kan mga ospital, pagbaha sa mga tinampo asin kadakol pang danyos.
An weather agency kan nasyon an nagpaluwas nin black rain warning antes para sa ika-apat na record breaking sa sarong semana.
Sa ngunyan, padagos na nangangapudan an mga otoridad na magtinir na alerto asin dapat na ikonsederar kan mga employers an flexible working arrangements para sa kasalbaduhan kan mga obrero.
