Pigbasura kan House Committee on Justice an duwang impeachment complaints kontra ki Presidente Ferdinand Marcos Jr. makalihis na aprubahan an committee report na nagsasabing insufficient in substance an mga reklamo.
Sa numero kan boto na 39-4-0, pormal na pigbasura kan komite an mga reklamong pigsunad ni Atty. Andre de Jesus asin kan Makabayan bloc. Sigun ki Committee Chair Rep. Gerville Luistro, kinakaipuhan na malinaw na recital of facts tanganing maikonsederar na bastanre an substance kan sarong impeachment complaint.
Dugang pa ni Luistro, dae nakapagsumiter nin pusog na ebidensya an mga nagreklamo tanganig suportaran an saindang mga akusasyon.
An enot na reklamo an nakasentro sa soboot betrayal of public trust katakod kan mga polisiya sa West Philippine Sea, mantang an ikaduwa an nagtalakay sa soboot kapabayaan sa pagmanehar kan ekonomiya asin iba pang isyu.
Siringman, parehas na pigkonsederar kan komite na kulang sa substansya an mga ini.
Sa ibong kan desisyon, pigtawan duon kan Makabayan bloc na padagos nindang ibubuol an paninimbagan kan Presidente sa manlaen-laen na ladangan kabali na an foreign policy asin socio-economic issues.
An pagbasura kan impeachment complaints an nagbubgtak ki Presidente Marcos Jr sa mas pusog na posisyon sa Kamara, na kontrolado kan saiyang mga kaalyado.
