Suportado kan panel kan piskalya kan Kamara an propwesto na ibalyo an Impeachment Trial ni Bise Presidente Sara Duterte sa alas 3:00 p.m. asin gibohon an Biyernes na dagdag na aldaw nin pagbista tanganing maparikas an paglilitis.
Susog sa tagapayo asin tagapagtaram kan grupo nin Impeachment kan Kamara na si Ace Barbers, an aga pwedeng itagama para sa trabahong lehislatibo kan mga senador asin kongresista, mantang an pagbista sa impeachment gigibohon poon alas 3 nin hapon.
Isinuhestyon man ni Barbers na gamiton an Biyernes komo dugang na aldaw nin paglilitis, mantang an Huwebes matinir na nakatagama para sa mga pagdangog kan komite kan Senado.
Huli kaini, pwede suboot na magamit an oras na nawara makalihis na kanselado an hearing kan Martes asin Miyerkules huli sa maraot na panahon.
Sa irarom kan presenteng iskedyul, an paglilits sa Impeachment ginigibo poon Lunes sagkod Miyerkules, alas 10 nin aga sagkod alas 3 nin hapon.
Sinabi kan mga paraahit na an dagdag na aldaw makakatabang na an paglilitis dai maghaloy nin pirang bulan asin matapos sa pinakamadaling panahon.
Pribadong Piskal Atty. Lorna Kapunan, an 3 p.m. an pagpoon kan pagbista tanganing an duwang kamara makapagkondusir kan saindang legislative at committee worksa aga bago magpadagos sa mga prosisyon sa impeachment.
