Sinalakay kan Houthi rebels an mga opisina kan United Nations sa kabisera kan Yemen na Sanaa asin ikinulong an 11 UN personnel.
Sigun ki U.N. Secretary-General Antonio Guterres, pwersahang linaog kan Houthis an World Food Programme, kinumpiskar an mga ari-arian kan UN asin pinorbarang laugon an iba pang opisina kan UN sa kabisera.
Inilunsar kan Houthi rebels an nasambitan ng raid kasunod kan strike kan Israel sa Sanaa kan nakalihis na Huwebes na naggadan sa prime minister kan Yemen na si Ahmed Ghaleb Nasser al-Rhawi asin iba pang ministro.
Sigun man ki UN Special Envoy for Yemen Hans Grundberg, ikinulong an 11 staff kan UN sa Sanaa asin port city kan Hodeidah.
Ini soboot an dugan pa sa 23 iba pang UN staff na dati ng ikinulong puon pa kan taong-2021 kun saen saro an binawian nin buhay sa kulungan ngunyan na taon.
Kaibahan man sa mga opisina kan UN na nakabase sa duwang naunambitan na siyudad an UNICEF, UN Development Programme asin opisina kan UN High Commissioner for Refugees.
