NAGA CITY – Bako pang malinaw an pigbubusol kan pirang grupo na gibuhong hybrid an eleksyon sa masunod na taon.
Sigun ki Comelec Chairman George Erwin Garcia, apwera sa para sana sa pure automation an budget na pigtagama sa poll body an aabuton nin siyam-siyam kun hahaluan ini nin manual elections.
Sigun pa ki Garcia, baka sa laog kan tolong aldaw an dae pa tapos an manual counting kun tutugotan an hybrid na eleksyon.
Kasuudma, nagsagibo nin hiro protesta an grupong kontra daya sa hampang kan opisina kan Comelec tanganing ipangapodan na ibasura an kontra kan ahensiya sa Miru Systems na napiling election provider sa 2025.
Liwat man pigsayumahan ni Garcia na igwa nin anomalya sa kontrata asin pinahimutikan an tahasan soboot panraraot sa integridad kan poll body asin mismong eleksyon.
