Nakatakdang magsagibo an International Criminal Court (ICC) Trial Chamber III nin status conference sa kaso nin crime against humanity laban ki dating presidente Rodrigo Duterte ngoniang Miyerkules, Setyembre 16.
Mapuon ini mga alas-4:30 nin hapon oras sa Pilipinas.
Sa nasambit na ikatulong status conference, tatalakayon kan chamber an nagkapirang usipon arog kan listahan kan mga witnesses, listahan kan mga ebidensiya, mga disclosure sa mga defense, asin nagkapirang posibleng insidente.
Kaiba man na tatalakayon an pagbugtak nin schedule sa trial proper na magpoon sa Nobyembre 30, kaiba an suhestiyon nin sunod-sunod na pagdangog na may mga breaks asin sitting hours.
Dai man segurado kun makakadalo nin personal an dating presidente, alagad kaipuhan pa man giraray kaining ipresentar an sadiri sa mga ICC judges poon kan ini arestuhon kan Marso 2025.
