Pigsugo kan International Criminal Court (ICC) Pre-Trial Chamber I an prosekusyon na tapuson an mga ebidensya katakod kan kasong crimes against humanity laban ki dating Pangulong Rodrigo Duterte antes o sa Hulyo 1, 2025.
Sigun sa 20-dahon na iniluwas kan nakalihis na Abril 17, kaipuhan na ibali kan prosekusyon an gabos nin ebidensyang gagamiton sa pagdangog kan kumpirmasyon kan mga kaso, kabali na an mga pahayag kan mga saksi, saindang mga salin, mga ebidensyang pwedeng pumabor sa akusado, asin man iba pang dokumentong susog sa Rule 77 ng ICC Rules.
Pigtawan duon kan ICC na ano man na ebidensyang isusumiter makalihis an nakatalaan na petsa ay dae aakuon.
Marurumduman na si Duterte an naaatubang sa kasong crimes against humanity huli sa soboot mga panggagadan na nangyari sa Pilipinas magpuon kan Nobyembre 1, 2011 hasta kan Marso 16, 2019.
Inarestar si Duterte sa Maynila kan nakalihis na Marso 11 matapos mag abot gikan sa Hong Kong, asin presenteng nakakulong sa The Hague. Tulong aldaw makalihis na saiyang pag-arestar ay nag-atubang ini sa primerong pagdangog kan ICC para sa kumpirmasyon kan mga kaso.
