Hinagad kan prosecution kan International Criminal Court (ICC) sa mga huwes na akoon bilang ebidensya an sarong expert report asin an mga naenot nang nairehistrong testimonya kan tolong saksi sa kasong crimes against humanity laban ki dating presidente Rodrigo Duterte.
Sa mga dokumentong isinangat kan Oktubre 23, hinagad kan prosecution na ibali an expert report kan sarong saksi asin an testimonya kan tolo pang iba.
Mantinido man na bukas an oportunidad kan depensa na hapoton asin i-cross-examine an mga saksi sa korte.
Segun sa prosecution, may koneksyon an mga testimonya sa mga sinasabing paggadan asin sa alegasyon na igwang polisiya na gumamit nin karahasan tanganing “i-neutralize” an mga pinaghihinalaang kriminal.
Idiniin man kaini na nagkakasararo asin nagpapatibay sa lambang saro an mga pahayag kan tolong saksi.
Mayo pa nin desisyon an Trial Chamber iii sa mga kahagadan.
Nakatalaan an final status conference sa Nobyembre 2, bago an pagpoon kan paglilitis ki Duterte sa Nobyembre 30.
Nahahampang an dating Presidente sa mga kasong may koneksyon sa sinasabing extrajudicial killings sa drug war kan siya presidente asin alkalde kan Davao City.
