Sinayumahan kan International Criminal Court (ICC) an kahagadan ni dating Presidente Rodrigo Duterte na paramientras na makalaya mantang piglilitis an mga kaso kontra sa saiya.
Sigun sa Pre-Trial Chamber I kan ICC, nagtitinir na kaipuhan an saiyang pagkakakulong alinsunod sa mga probisyon kan Rome Statue.
An desisyon kan korte, pigtawan-duon na an padagos na detensiyon ni Duterte an makatarungan basado sa gabat kan mga akusasyon, pangangaipuhang masiertong mahampang ini sapaglilitis, asin tanganing malikayan an posibleng panghihimasok sa imbestigasyon o huma sa mga biktima asin witness.
Si Duterte an nasa kustodiya kan ICC sa The Hague puon pa kan nakalihis na Marso 2025, katakod kan tolong numero kan murder na pigkokonsiderar na “crimes against humanity” huli sa saiyang kontrobersiyal na kampanya kontra droga kan nakalihis na panahon kan saiyang panunungkulan.
Kan nakalihis na Hunyo, nagsunad an saiyang kampo nin petisyon paramientras na pagpapalibre, gamit an mga rason siring kan soboot maluyang salud asin kakulangan sa kakayahang maghampang sa paglilitis.
Sinaysay man kan saiyang mga abogado na dae tutol an presenteng administrasyong sa saiyang paramientras na paglaya bagay na kalaunan, pinahimutikan kan Malacañang.
Nagtutol an Office of the Prosecutor kan ICC an kahagadan asin pighurot na dapat mag-agi sa masusing pagsusuri an mga alegasyon dapit sa salud ni Duterte.
Nagpahayag man nin pagkahadit an Office of the Public Counsel for Victims sa posibleng pagkaantala kan hustisya para sa mga pamilya kan mga biktima kan giyera kontra droga.
