Isusunod na kan Independent Commission for Infrastructure (ICI) na imbestigaran an mga flood control project sa probinsya kan Cebu.
Kasunod ini kan mahewasang pagbaha sa Central Cebu sa kasagsagan kan pananalasa kan Bagyong Tino.
Sigun ki ICI Special Adviser Rodolfo Azurin Jr., tutukan kan komisyon an rason kan matinding pagbaha, orog na ta dakula an pondong pigtagama para sa mga flood control project sa probinsiya.
Basado sa inisyal na report, mapakol soboot sa P26-B an nagastos sa mga proyekto sa Cebu.
Huli digde, pigsugo na kan ICI an PNP-CIDG asin National Bureau of Investigation (NBI) na i-secure an gabos na importanteng dokumento katakod kan nasambitan ng proyekto.
Sa ngunyan, 421 flood control projects na an natukdo kan ICI asin Department of Public Works and Highways (DPWH), kun saen 80 proyekto an pigkokonsederar na prayoridad, basado na man sa listahan kan mga kontraktor na pinangaran ni Presidente Ferdinand Marcos Jr.
