Padagos na pinag-aadalan kan Independent Commission for Infrastructure (ICI) an posibilidad na haputon muna an saindang resource person kun mawot kan mga ini na i-livestream an pagsalang sa pagdangog o kada hearing.
Ini an kasunod sa kahurutan kan publiko na transparency sa pigsasagibong pagdangog kan Komisyon sa saindang mga pig-iimbitaran para sa nagpapadagos na imbestigasyon sa flood control anomaly.
Sigun ki ICI Chairman Andres Reyes, pwede kayang hagadon kan mga potential witness na dae na i-livestream orog na kun banta sa saindang seguridad an pagtestigo.
Dugang pa ni Reyes, napauktaba soboot an livestream huli ta nagsasalang pa ang rules of procedure para sa evaluation.
Mientrastanto, nakatalaan man na maghampang si dating Undersecretary Roberto Bernardo ngunyan na November 17, na pirang beses na naghurot na ipauktaba liwat an paghampang kaini sa komisyon.
