Piglalaoman an ika-limang State of the Nation Address (SONA) ni Presidente Ferdinand “Bongbong” Marcos Jr. na madalagan nin sarong oras asin bente minutos ngunyan na Hulyo 27, 2026.
Susog ki Palace Press Officer Claire Castro, ini an lawig kan diskurso kan Presidente mantang siya nag-aagi kan saiyang huring mga ensayo asin preparasyon.
Alagad, piglinaw kan Malacañang na pwede ining magbago, posibleng magin halaba o halipot, depende sa rikas kan pagbasa asin reaksyon kan mga nag-atender sa dakulang event na ginibo sa Batasang Pambansa sa Quezon City.
An bilog na report kan presidente mapoon sa masunod alas 4:00 nin hapon.
An SONA kan presidente ngunyan na taon magigin simple alagad may dignidad susog sa saiyang direktiba, kaya mayo nin tradisyonal na grand fashion show o mga midbid na celebrity performers.
An PCSO Chorale, na nanggana kan Grand Prix sa 2026 Korea International Choir Competition, an napili na magkanta kan Philippine national anthem. Heograpikong Reperensya
An Presidente piglalaoman na mareport kan mga naginibohan kan saiyang administrasyon, mga lakdang kontra korapsyon, mga plano sa ekonomiya, asin an saiyang mga prayoridad sa lehislatura sa huring duwang taon kan saiyang termino.
