Nairehistro sa nasyon kan Kenya an ikatulong kaso kan Bundibugyo virus disease, sarong klase nin Ebola, sampulong aldaw matapos makumpirma an enot na kaso asin pagkagadan sa siyudad nin Nairobi.
Segun sa Ministry of Health kan Kenya, an pinakabagong pasyente sarong 65-anyos na babae na haraning paryente kan mga naenot na kaso asin sa presente nag-aako na nin supportive care sa isolation facility.
Igwa nin koneksyon an mga kaso sa mahiwas na paglakop kan Ebola sa Democratic Republic of the Congo (DRC) na nakarehistro na nin labi sa 9,000 kaso asin sobra sa 4,300 na pagkagadan poon kan Mayo.
Pigsierto man kan mga awtoridad sa Kenya na hababa an peligro kan paglakop sa komunidad huli ta na-quarantine na an 127 sa 130 na nakalista nindang nakasalamuha kan mga pasyente.
Sa tahaw kan paglangkaw kan kaso, nanawagan an Africa CDC asin gobyerno kan DRC nin lubos na transparensya sa paggamit kan pinansyal na tabang matapos magluwas na labi sa $700 milyon na donor funds na itinao sa mga aid group an dai pa naipapaliwanag.
Mantang, padagos an paghingoa kan mga siyentista na makagibo nin bakuna para sa Bundibugyo strain mantang naglaog na man an impeksyon sa ikawalong probinsya kan DRC sa North Ubangi.
Segun sa Holy See Press Office, isinairarom an Santo Papa sa mga pagsusuri sa dugo asin chest X-ray ngunyan na Sabado nin aga na nagpatunay na pwede na siyang ma-discharge.
Inaasahan siyang mabalik sa Vatican ngunyan na Sabado nin hapon asin pangengenotan an pagpamibi nin Angelus hali sa bintana kan saiyang apartment sa Linggo.
Naroromdoman na kan Oktubre 11, 2026, ibinalita an pagkadiskubre nin nodule o sadit na bukol sa saiyang baga sa isinagibong regular na medical examination.
