Inanunsyo kan local government unit (LGU) kan Quezon City na lumagpas na sa epidemic threshold an bilang kan mga kaso nin leptospirosis sa ciudad.
Ini nangangahulugan na an bilang kan mga nagkaigwa nin helang mas halangkaw sa inaasahan para sa sarong partikular na panahon.
Nagdugang nin 47 na kaso nin leptospirosis puon Setyembre 4 sagkod 7, asin umabot na sa 47 an kabilugan kan mga nagadan huli sa helang.
Ikinokonektar kan mga awtoridad an paglangkaw kan kaso sa sunod-sunod na pag-uran asin pagbaha sa manlaen-laen na parte kan siyudad.
Kabilang sa mga lugar na nakapagtala nin kaso an nagkapirang barangay sa Commonwealth, Batasan, asin Tatalon sa ikaapat na distrito kan Quezon City.
Segun sa local health officials, igwa pa man nin supisyenteng pasilidad para sa mga pasyente asin mayo pa nin kakulangan sa hospital beds.
Pinapayuhan an publiko na likayan an paglusong sa tubig-baha tanganing mainaan an peligro nin pagkalat kan leptospirosis.
