Aram baya nindo mga ka-bombo na sarong ikos sa New Zealand na pinangaranang Leo an pigkonsiderar na sarong “Leonardo da Pinchy” huli sa kakaiba kaining gawi kan panghahabon nin mga bado gikan sa sablayan kan saindang kapitbahay.
Sigun sa may kansadiri na si Helen North, sa laog kan siyam na bulan, nakapag-uli na si Leo nin poco mas o menos 150 pidaso kan manlaen-laen na gamit.
Paborito soboot ni Leo an mga underwera asin medyas, alagad dae man ini namimili, nakapagdara na man ini nin gardening gloves, sports bra, kopya, asin maski mamahalon na jersey na igwa pang price tag.
Pinakaaktibo soboot si Leo tuyong domingo, kun kadakol na nakasablay na bado sa palibot.
Kun nakauli na, papabayaan sana soboot ni Leo an mga gamit sa salog asin hahalion na garong mayong nangyari.
Tanganing maibweltada sa mga may kansadiri an mga gamit, nanggamit si North nin WhatsApp asin facebook group kan saindang komunidad kun saen kaini pigpopost an mga ladawan kan mga nadarang gamit.
An pinakadakulang “nakulimbat” ni Leo an sarong limang talampakang stuffed toy na halas na duwang beses pa kaining inuli, patunay soboot na paborito ini kaini.
