Imbentaryo kan bagas sa nasyon, naglangkaw hasta kan nakalihis na Agosto 1 —PSA

Naglangkaw an imbentaryo nin bagas sa nasyon hasta kan nakalihis na Agosto 1.

Sa datos gikan sa Philippine Statistics Authority (PSA), nairehistro an 2.32 million metric tons na rice stock inventory sa primerong aldaw kan bulan nin Agosto.

Mas halangkaw ini nin 24.5% gikan sa 1.86 million metric tons sa parehong period kan nakalihis na taong 2024.

An National Food Authority (NFA) an may pinakahalangkaw na imbentaryo na igwang 207.6% annual increase asin may imbak na 452,000 metric tons.

Nagbaba man angm imbentaryo sa mga komersiyal na bagas o an mga bagas gikan sa mga negosyante na nasa 11.5% o 1.039 million metric tons.