Dae pa nahihilingan ni Senator Risa Hontiveros nin dahilan an Blue-Ribbon Committee para tapuson na an imbestigasyon sa maanomalyang flood controlprojects.
Para ki Hontiveros, nakakatabang an imbestigasyon kan Blue Ribbon Committee sa imbestigasyon na ginigibo kan Ombudsman asin Department of Justice (DOJ) asin sa pagsusunad nin kaso sa mga dawit sa ghost project.
Pighalimbawa ni Hontiveros na siring sa nagin eksperyensiya kaini kaidto sa Senate Committee on Women nagpapadagos an saindang imbestigasyon sa ibong kan mga ongoing case-build up, pagsusunad kan mga kaso, pagdangog kan mga kaso sa korte asin hasta sa pagpapakulong kan nga mapapatotoohan na guilty.
Enkaso man matapos na an pagdangog, pupwedeng mapakinabangan pa man kan ehekutibo an mga findings aasin recommendation sa nagin imbestigasyon.
Dugang pa ni Hontiveros, kuntento ini sa takbo kan imbestigasyon asin huli ta aram kaining mapadagos pa an pagdangog, magpa-follow up ini gikan sa mga isyung lumutang sa huring hearing siring kan kinaaraman kan contractor na si Curlee Discaya ki dating Speaker Martin Romualdez.
