Naglunsar na nin na imbestigasyon an Transport Police Department kan Kazakhstan makalihis an pagbagsak kan Azerbaijan Airlines flight J2-8243 harani sa Aktau City.
Gikan sa capital na Baku sa Azerbaijan an eroplano asin pasiring sa Chechnya region kan Russia.
An nasambitan ng insidente an ikinagadan kan 38 katawo asin 29 man an nakasalbar kabali na an duwang aki na kun saen 11 sa mga ini an nasa kritikal na kondisyon.
Nahanap na kan mga otoridad an blackbox kan nasambitan ng eroplano tanganing maaraman an totoong kawsa kan aksidente.
Igwang kabilugang 62 pasahero asin limang crew members an eroplano kun saen 37 sa mga ini an namamanwaan kan Azerbaijian, anom an Kazakhstan, tolo an Kyrgzsta asin 16 man an Russia.
Huli naman sa insidente, pigsuspender kan Azerbaijan Airlines an gabos kan mga flights ninda gikan sa Baku pasiring sa Grozny asin Makhachkala hasta matapos an kabilugang imbestigasyon.
