Posibleng ma-dismiss an impeachment case kontra ki Vice President Sara Duterte kun mapapatotoohang mayong hurisdiksiyon an presenteng impeachment court.
Sa sarong entrevista, sinaysay ni Senator Allan Peter Cayetano, na an enot na pigsusuri kan Korte iyo an kun igwa sindang jurisdiction sa sarong kaso.
Apwera digde, pigtawan-duon ni Cayetamo na sarong abogado, maski dae p nailalatag an ebidensiya, pwedeng mabasura an impeachment case kum sa enot pa sana, mayo ng hurisdiksiyon an korte sa kaso.
Siring man, paglilinaw kaini, na dae basta-basta an dismissal asin imbes, kaipuhan na pag-adalan ini nin marhay.
Sa huri, sa hiling ni Sen. Cayetano mauuli sa korte suprema an pagkuwestiyon sa jurisdiction kun dae man ninda ini aaksyunan tulos.
Nakasalalay ngunyan sa Kamara an liwat na pagco-convene kan Senate impeachment court sa 20th Congress para sa impeachment trial kontra ki Duterte.
Sigun ki Senate impeachment court Spokesperson Atty. Regie Tongol, kaipuhan maisumiter kan prosekusyon an pighahagad sa saindang sertipikasyon kun mawot idagos an paglilitis kontra ki VP Sara.
Kan nakalihis na Hunyo 10, pigsugo kan Senado komo impeachment court an mababang kapulungan na magsumiter nin sertipikasyon ma dae sinda magbalgar sa one year ban sa pagsusunad nin impeachment complaints asin pinaggagarantiya man kun mawot ipagpadagos an impeachment proceedings.
Naipasar na kan prosekusyon an enot na kinakaipuhanh sertipikasyon, mientrastantong dae pa sinda nakakapag-comply sa ika-duwang sertipikasyon, na igwang direktang koneksiyon sa kamawotam kan Kamara na idagos an paglilitis kontra ki Vice President Duterte.
Anumang mosyon soboot tanganing bukasan liwat an Korte, posibleng sa Hulyo 29 na o pagkatapos kan State of the Nation Address o SONA ni Presidente Ferdinand Marcos Jr.
