Pigbuyagyag ni Senador Robin Padilla na dai uuyunan an Senate minority bloc sa pag-convene kan impeachment court enkaso isumiter kan Kamara de Representantes an Articles of Impeachment laban ki Vice President Sara Duterte.
Depensa kan senador, parte kan trabaho kan minority an mag-opose komo pagsunod sa parliamentary procedure, maski pa igwa sinda nin panunumpa komo mga hukom.
Dugang pa ni Padilla, naghahanda na man ini enkaso magtukaw komo Senator-Judge.
Mientrastanto, kontra man sa impeachment si Senador Jinggoy Estrada huli sa kadakol na nin problema kan nasyon, alagad tinawan doon kaini na pagbabatayan pa man giraray an ebidensya kun madagos an proseso.
Pigsierto ni Senador Alan Peter Cayetano na masusunod an minority bloc sa mga patakaran.
Segun ki Senate President Vicente Sotto III, puwedeng i-convene an impeachment court kun maresiber an Articles of Impeachment, alagad an mismong paglilitis isasagibo pa sa tamang panahon alinsunod sa konstitusyon.
