Inanunsyo ni Senate President Sherwin Gatchalian kan Viernes na nagkasararo na an mga Senator-Judges na i-reschedule an impeachment trial ni Bise Presidente Sara Duterte sa hapon tanganing maparikas an prosisyon.
Si Senator-Judge Juan Miguel “Migz” Zubiri naenot nang nagproponer na i-reschedule an pagbista sa impeachment sa hapon tanganing matawan nin mas dakol na panahon an mga grupo kan prosekusyon asin depensa na ipresentar an saindang mga argumento.
An Senado nagpaplano na gibohon an legislative session kaini sa alas 10 nin aga, nin huli ini pwedeng maghaloy nin pirang oras sana.
Pagkatapos kan sesyon, sinabi ni Zubiri na an paglilitis pwedeng magpoon sa alas 3 nin hapon, na dai makakadisturbo sa legislative calendar.
Sinabi ni Gatchalian na bukas siya sa pagbabago kan iskedyul kan paglilitis mantang an Senado nag-aandam na magpoon nin mga pagdangog sa propwestong National Budget para sa 2027.
Sinabi niya na an mga senador-huwes kaipuhan na magtukaw sa alas 3 nin hapon, na naglilimitar kan oras na magagamit para sa paglilits sa impeachment.
Alagad aminado si Gatchalian na an mas halawig na oras nin trabaho pwedeng magkawsa nin pagal o burnout sa mga senador asin sa saindang mga staff.
Sinabi man ni Gatchalian na target kan Senate impeachment court na matapos na an trial bago matapos an Disyembre, alagad posibleng mag-extend ini sagkod sa masunod na taon huli sa rikas kan trials asin kanselasyon kan trabaho huli sa maraot na panahon.
