Binatikos ni House prosecutor asin Bicol Saro Party-list Rep. Terry Ridon an mga tagasuporta ni Bise Presidente Sara Duterte sa soboot pagprobar na raoton an House prosecution panel antes an impeachment trial kan Senado.
Ginibo ni Ridon an pahayag na ini pagkatapos na 18 dating opisyales kan Marine an nag-imbwelto nin nagkapirang mga mambabatas, kaiba an mga miyembro kan grupo kan prosekusyon, sa soboot paghatod nin mga maleta na pano nin kuwarta sa sarong pagdangog kan Senate Blue Ribbon Committee kan Hunyo 4.
Segun ki Ridon, malinaw na katuyuhan kan nasabing hearing iyo na magtao nin duda sa kredibilidad kan piskalya, alagad sinierto kaini na dae ini makakaulang sa pagbuyagyag kan katotohanan sa Senate impeachment court.
Dugang pa kan mambabatas, preparado sindang ipresentar an gabos na solidong evidencia contra sa Bise Presidente, kabale an mga bank accounts asin mga transaksyon hale sa Anti-Money Laundering Council (AMLC).
Marigon na pignegaran ni Ridon an mga alegasyon laban saiya asin pigduon na an saiyang pangaran dai nanggad nasambitan sa orihinal na affidavit kan grupo kan Pebrero, asin na garo baga ini pig-aabot sana sa nakaaging pagbista.
Si Duterte pig-impeach kan Kamara kan Pebrero sa suporta kan 257 mambabatas.
An pre-trial nakatalagang magpoon ngonian na bulan bago an pormal na pagbista sa Hulyo 6, 2026.
