Pinaghahandaan na kan House Prosecution panel an nakatakdang oral arguments manungod sa isyu kan 2/3-vote threshold sa padagos na impeachment trial laban ki Vice President Sara Duterte.
Masagibo nin oral arguments an Senate Impeachment Court sa sunod na semana, kun sain inimbitar man an mga retiradong mahistrado kan Korte Suprema tanganing magtao nin klaripikasyon sa tamang pagkwenta kan 2/3 vote hale sa kabuuang bilang kan mga miyembro kan Senado, partikular na sa mga senador na dai nakikibahagi sa paglilitis.
Segun ki Atty. Hez Montalan, Deputy Spokesperson kan House Prosecution panel, masusing sinususog kan saindang legal team an gabos na batas asin jurisprudence na isusunad ninda sa korte.
Ipinahayag kan abogado na pabor an panig kan prosecution na baguhon an denominator hale sa kabuuang 24 na senador asin bilangon lamang an mga aktibong nakikibahagi sa trial, maski igagalang pa man ninda an magigin pinal na desisyon kan impeachment court.
Mientrastanto, nanindugan man an House panel sa importansya kan pagpapaapod ki Davao City Mayor Baste Duterte matapos aprubaran kan impeachment court an pagpapadara nin subpoena para sa saiyang pag-atubang sa sunod na semana.
Klaruhon suboot kan panel sa alkalde an mga rekord kan negosyo kan Bise Presidente na nasa irarom kan Office of the City Mayor, asin linaw kan panel na an pagpapaapod sa saiya nakabase sa opisyal na kapasidad asin dai konektado sa pagka-magurang asin magtugang ninda.
