Depensa ni Bise Presidente Sara Duterte, sa paagi kan saindang tagapagtaram na si Atty. Michael Poa, nagpahayag na mayo sindang pagtutol sa pagtatalaga kan tulong Amici Curiae para sa impeachment trial.
An mga Amici Curiae na ini gabos mga dating Chief Justice asin Associate Justice, asin an saindang pagkapili tinawan nin pagmidbid kan impeachment court bilang sarong konsultasyon.
Segun ki Poa, posibleng pag-ulayan kan mga Amici Curiae an mga pagbabago sa halaga kan mga assets ni Bise Presidente Sara Duterte, kaiba an magkakalaen na numero sa saiyang financial records.
Para sa depensa, mahalaga an papel kan mga Amici Curiae tanganing magkaigwa nin mas malinaw asin mas hararom na pagkasabot sa mga legal na isyu na imbwelto sa kaso.
Ini partikularmenteng importante huli sa nagkakalaen-laen nang opinyon na naglalakop, kaiba na sa social media, manungod sa mga legal na aspeto.
Alagad, dai pa makakapagtao nin tiyak na pahayag an depensa mantang hinihintay pa ninda an mga ebidensya na ilalatag kan prosekusyon manungod sa Article II, o “unexplained wealth.”
