Liwat nagpautob nin import ban an Department of Agriculture kontra sa mga poultry products na gikan sa South Dakota, USA.
Ini an nagsasakop sa mga domestic asin wild birds, karne kan manok, sugok, semilya para sa artificial insemination, day-old na sisiw, asin iba pang poultry products.
Ginibo kan DA an panobagong ban kasunod na man kan naaraman na soobot pagkuriyat kan highly pathogenic avian influenza o bird flu.
Sigun ki Agriculture Secretary Francisco Tiu Laurel Jr., pigkompirmar kan mga otoridad sa US na nagkuriyat an peligrosong bird flu sa South Dakota asin naapektaran an mga poultry farm duman.
An panibagong ban, nakapalaog sa Memorandum Order No. 4 na iniluwas kan sekretaryo kun saen pigsugo kaini an Bureau of Animal Industry na punduhon an pagproseso asin pagtatao kan sanitary asin phytosanitary import clearances para sa domestic asin wild birds mula sa South Dakota.
Sa presente, nasa halangkaw na lebel an import ban sa pirang mga estado asin nasyon huli pa man sa manlaen-laen na helang sa hayop na siring kan bird flu asin ASF.
Sigun ki Laurel, an tulos na paglatag kan import ban an importante tanganing maprotehiran an lokal na industriya kan panghahayupan sa nasyon.
