NAGA CITY – Pigtawan duon kan sarong professor an importansiya kan pagselebrar nin Buwan ng Wika ngunyan sa presenteng panahon.
Sa entrevista kan Bombo Radyo Naga ki Vasil A. Victoria, PhD, Propesor sa Ateneo de Naga Univeristy, sinaysay kaini na importanteng marhay an pagselebrar kan nasambitan ng Buwan ng Wika nin huli ta ini soboot an selebrasyon kan pagkatawo, kultura, lipunan kan saro man na Pilipino.
Katakod kaini, nagkundusir soboot an saindang Unibersidad nin ika siyam na pangkinaban na seminar o training na pigpartisiparan kan nasa 400 participants gikan sa Luzon, Visayas asin Mindanao.
Sigun sa propesor sa bilog na kinaban, sulamenteng an nasyon sana soboot kan Pilipinas an dae nagtataong importansiya sa sadiring wika orog na ngunyan na kadakol na an pagbabago asin nanunudan na lenggwahe an mga jovenes na minsan an iba an nakakalingaw sa saindang obligasyon komo Pilipino.
Huli kaini, importante soboot an mga pagkundusir nin manlaen-laen na aktibidad kasabay kan buwan ng wika ngunyan na Agosto tanganing iparanas sa mga estudyante an mas hararom na pagkanood sa sadiring wika kan nasyon.
Sa ngunyan, pig-enkaminar na sana ni Victoria an gabos orog na an mga kajovenan na girumdumon an saindang mga responsilidad komo mga Pilipino tanganing mas magin hararom pa an pag-intindi kan lambang saro sa wikang igwa an nasyon.
