Kinumpirma ni Securities and Exchange Commission (SEC) Dir. Gerardo Del Rosario ki Senador-Hukom Francis “Kiko” Pangilinan na an JTC Group of Companies na nagkakapot nin 54.99 porsyentong pagrogaring sa GenCorp Industries Inc., segun sa nakatala sa 2025 General Information Sheet (GIS) kan kompanya.
Si VP Sara Duterte suboot saro sa incorporator, stockholder, asin board member kan JTC.
Ipinaliwanag ni Del Rosario na bilang majority shareholder, an JTC Group igwang dakulang impluwensya asin direktang kontrol sa mga pangenot na desisyon kan GenCorp, kaiba an pagpili kan mga miyembro kan board of directors asin pagpili kan nagkapirang corporate officers.
Sa padagos na paghapot ni Pangilinan sa impeachment court, kinumpirma man kan abogado kan SEC na igwang mga nag-eeksistir na “common shareholders” asin opisyal na nag-uugnay sa GenCorp, City Hall Chow Foods Corporation, asin Metro City Chow Foods Corporation.
Nagigin importante an pagluwas kan mga dokumentong ini tanganing hamonon asin surion kan impeachment court an koneksyon kan mga kompanya sa lambang saro manungod sa mga pig-uugnay na business interests asin rogaring kan Bise Presidente.
Padagos man na pigtitimbang kan grupo nin mga senador an mga iprinesentar na corporate structures tanganing maaraman an sakop kan impluwensya asin paninimbagan kan mga imbwelto na personalidad sa presenteng paglilitis.
