Aram baya nindo mga ka-bombo, nagpatanid an mga biologist gikan sa Ateneo de Manila University katakod sa pagkakatuklas kan sarong klase kan sira na bakong gikan sa Laguna de Bay, na pwede soboot huma sa mga lokal na sira sa lawa.
An nanutaran na sira, sarong Barbonymus schwanefeldii o tinfoil barb sa Barangay Patunhay, Cardona, Rizal na karaniwang pig-aataman asin mahihiling sana sa aquarium.
Alagad maski bistado ini sa ornamental fish trade ini an primerong naireport na igwang siring na sira sa mga katubigan kan Pilipinas.Sigun sa mga siyentipiko, posibleng aksidente o pigtuyong pinakawaran an mga nasambitan ng sira sa lawa.
Napag-araman na an tinfoil barb, an likas na makukua sa Timog-Silangang Asya asin igwang kakayanang magburo-balyong istaran, kaya igwang peligro na maglakop sa mga ilog na konektado sa lawa.
Huli sa mahewas na sakop kan Laguna de Bay, asin sa likas na ugali kan sira na nagkakakan nin manlaen-laen na pagkakan asin mag-migrate tuyong tag-uran, posible man soboot ining magin kalaban sa pagkakan asin sa lugar kan mga katutubong sira sa lawa.
Mientrastanto, nag-apelar an mga eksperto sa mga lokal na gobyerno na pahiguton an pagbabantay asin impormasyon sa publiko mapadapit sa mga invasive species, orog na ta nagdadakol an bakong likas na klase kan sira sa mga ilog asin lawa sa nasyon.
