Ipinasa na kan Department of Justice (DOJ) sa Office of the Ombudsman an investigation reports dapit sa anomalya kan flood control projects sa Bulacan.
Sigun ki National Prosecution Service ( NPS) Prosecutor-General Richard Fadullon, na an imbestigasyon an nakatuon sa mga opisyales kan Depatment of Public Works and Highways (DPWH) asin mga contractors sa enot na distrito kan Bulacan na sinasabing responsable sa limang maanomalyang proyekto.
Dugang pa kaini na an imbwelto digde iyo an mga District Engineers, Assistant District Engineers, Project Managers asin iba pa.
Sinabi man ni Ombudsman Jesus Crispin Remulla na an mga opisyal asin contractors na nadadawit an parte man kan imbestigasyon na isinasagibo kan Senado.
Inapod pa kaini na an limang kaso komo “low hanging fruit” asin “open-shut cases” huli ta mayong nagluluwas na proyekto maski na igwang pondo.
