NAGA CITY- Makakatabang nin dakula para sa mga micro, small, and medium enterprises(MSMEs) sa Rehiyong Bicol an pagpapatugdok kan nasa P50 million na trade center.
An nasambitan ng trade hub makakatabang sa paglangkaw nin opurtunidad kan mga (MSMEs), maipresentar an saindang produkto siringman makakatabang sa pagdakol nin trabaho.
Sigun ki Department of Trade and Industry Regional Director Dindo Nabol na an enot na Bicol Trade Center project an nakalinya sa commitment kan ahensiya para sa ikakauswag kan ekonomiya kan Rehiyon.
Matao soboot ini nin platform para sa mga lokal na negosyo tanganing makapagkonektar asin magin innovative.
Dugang pa ni Nabol an proyekto na ini an piglaloman na mapuon an konstruksyon ngunyan na taon asin makukumpleto sa 2026.
Sa nasambitan ng center makukua an exhibit hall, storage area, power supply room, comfort rooms na magayon para sa ikukundusir na mga fairs, product development asin iba pang aktibidad.
Mientrastanto, an pasilidad pa na ini an kumpleto sa kinakaipuhan na mga areas kun kaya dakula an maitataong adbentahe.
Sa ngunyan, pigsierto kan opisyal na dagos-dagos an saindang mga programa na makakatabang sa mga sararadit na negosyante asin sa komunidad.
