Nagpatanid si retired Gen. Jack Keane na posibleng mas maging agresibo an Iran sa mga maabot na aldaw sa paglaog kan bagong yugto kan tensyon.
Segun kay Keane, posibleng iniisip kan Tehran na mag-aalangan si US Pres. Donald Trump na magpa utob nin aksyong militar bago an paparani na midterm elections sa Estados Unidos.
Ininsister man kan dating heneral na giraray napapasala an Iran huli may husto asin nakahandang kakayahan an militar kan Amerika sa rehiyon tanganing dagusan supilon an nasyon kun magdedesisyon an pangulo.
Nagluwas nin patanid ini makalihis ihayag ni Trump na may “total control” an U.S. sa Strait of Hormuz mantang nagtitinir na mayong kasunduan an duwang nasyon sa pagbubukas kan kritikal na agihan kan barko.
Mientrastanto, pinalagan man nin sarong Iranian source na mayong nagaganap na negosasyon para palawigon an kasunduan kan Hunyo mantang marikas na nagrarani an Agosto 17 na deadline.
