Nag-alok an Iran nin $30,000 na premyo sa isay man makakadakop o makakagadan nin sarong sundalong Amerikano.
Segun sa Iran’s State News Agency, sinabi ni Army Chief Amir Hatami na ipinautob an programa makalihis makatanggap an militar nin dakol na pabor hali sa mga Iranian na gusto magbali.
Mas halangkaw man an premyo para sa mga babayeng makakagibo kan programa. Segun kay Hatami, doble sa $30,000 an mareresibe kan mga babayeng makakadakop asin makakagadan sa sundalong Amerikano.
Dae man nagtao si Hatami nin detalye kun sain o nuarin pwedeng isagibo an paggadan o pagdakop sa mga sundalong Americano.
Mayo man kumpirmadong deployment kan US ground forces sa Iran sa presenteng digmaan. Kabali sa mga nairehistro na operasyon an rescue mission kan Abril para sa sarong Amerikanong piloto na napabagsak an saindang eroplano.
Giraray nangapudan si Hatami sa Estados Unidos na maghali sa Middle East asin ininsister na mayo na suboot pagtugot an US na maglaog sa Persian Gulf, Gulf of Oman asin Strait of Hormuz.
