Pormal nang ipinautob ni Iranian President Masoud Pezeshkian kan nakalihis na Hulyo 2 an sarong ley na nagpapauntok sa pakikipag-koordinar kaini sa International Atomic Energy Agency (IAEA), an nuclear watchdog kan United Nations.
Sa bagong ley, an anumang inspeksiyon kan IAEA sa mga nuclear site kan Iran, kaipuhan na paramientras na aprobaran kan Supreme National Security Council kan Tehran.
Pigtuligsa man kan Estados Unidos an nagin lakdang kan Iran asin pig-apod na “unacceptable” an prosopwestong ley.
Marurumdumang pig-akusaran ka Iran an IAEA kan pagsurog kaini sa mga west country asin pagtakop sa piggibong pambobomba kan Israel, na nagpuon makalihis ideklarang magbalgar an Iran sa Nuclear Non-Proliferation Treaty (NPT).
Sinaysay man kan IAEA na naghahalat pa ini kan opisyal na impormasyon gikan sa Iran.
Mientrastanto, pig-ako ni Iranian Foreign Minister Abbas Araqchi sa sarong entrevista na lubhang naraot an Fordow nuclear site makalihis ining tamaan kan U.S. airstrikes.
Nagpatanid man an US State Department na dapat tulos liwat na makipagtabangan an Iran sa IAEA, sigun ki spokesperson Tammy Bruce, maliwanag na nagbalgar an Iran sa mga obligasyon kaini sa irarom kan NPT, orog na sa isyu kan undeclared nuclear materials asin kakulangan sa access sa bagong enrichment facility.
