Nagpatanid si Iran Supreme leader Ayatollah Ali Khamenei nin posibleng pagsiklab nin regional conflict enkaso mag-atake an Amerika.
Sinaysay ni Khamenei na aram kan Amerika na enkaso magpuon ini nin giyera, mahantong ini sa sarong regional war.
Ginibo kan Iran Supreme leader an patanid makalihis na magpatanid si US President Donald Trump kan pakikiaram sa Iran katakod sa nuclear ambitions kaini asin matapod an deadly crackdown sa mga protesta kontra sa gobyerno kan Iran.
Komo parte man kan piggibong build up kan pwersa kan Amerika harani sa Iran, nagpadara ini nin aircraft carrier sa USS Abraham Lincoln sa rehiyon asin kan nakalihis na Domingo, kinumpirmar kan US Central Command na nago-operate ini sa may Arabian Sea.
Alagad, dae natitinag an Iran Supreme leader asin sinabing dae natatakot an Iran sa mga aksiyon kan Amerika.
Mientrastanto, basado sa datos gikan sa US-based Human Rights Activists News Agency, labi 6,300 katao na an kumpirmadong binawian nin buhay sa kariribokan sa Iran puon kan magsiklab ini kan nakalihis na Disyembre 2025.
