Nagpatanid an Islamic Revolutionary Guard Corps Commander na si General Mohammad Pakpour sa mga kalaban kan Iran na dae soboot mapasala sa pag-atake sa sainda.
Sigun sa opisyal an saindang mga soldados an nakapreparar asin anuman na oras an kayang makipagribayan nin opensiba.
Enkaso soboot mapasala an saindang mga kalaban sa pag-atake sa sainda sinda man an mabalos nin mas orog na malala na opensiba.
Marurumduman, naglunsar nin pag-atake an Israel sa Iran kan nakalihis na Hunyo 13, kun saen igwang binawian nin buhay asin nadanyarana na pasilidad.
Nagbalos man an Iran nin mga missiles sa Israel sa enot na pagkakaton na nagresulta sa pagpuon kan giyera sa pag-ultanan kan duwang nasyon.
Mientrastanto, makalihis an 12 aldaw na riribayan kan airstrike, pig-anunsyar ni US President Donald Trump an untuk-putukan sa pag-ultanan kan Iran asin Israel.
Sa ngunyan, maski nag-iiral an untuk-putukan nagtitinir na naka-alerto an saindang lado sa anuman na huma sa saindang nasyon.
