Nakatalaan na repasuhon kan Department of Education (DepEd) an implementing rules and regulations (IRR) kan Anti-Bullying Act of 2013 tanganing paigtingon an kampaniya kontra sa mga insidente kan bullying.
Sa sarong pahayag kan Biyernes, sinaysay ni DepEd Sec. Sonny Angara na an nasambitan ng ley an dae pa ganap na naipapautob sa gabos nin pampublikong mga eskwelahan sa bilog na nasyon.
Katakod kaini, nakatalaan man na makipagtabangan an ahensiya sa Second Congressional on Education (EDCOM II) sa pagrepaso kan implementing rules and regulations na piglalaoman na makukumpleto antes magpuon an academic year 2025-2026.
Obheto man kan pag-aadal kan implementing rules and regulations na masierto na katakado ini sa nag-iiral na ley.
Sinaysay man kan sekretaryo na saindang pigpaprayoridad an pagtatao nin dugang na guidance counselor positions tanganing masierto an kaukulang tabang sa pagsimbag sa mga angat na igwa nin kinaaraman sa bullying.
