Matrayumpo asin matuninong na naikundusir an tolong aldaw na Isarog International Hot-Air Balloon and Music Festival sa syudad nin Naga.
Sa intrevista kan Bombo Radyo Naga ki Renee Gumba, Chief, Public Safety Office, sinaysay kaini na maray an pagmanehar kan seguridad asin crowd control sa tabang kan manlaen-laen na ahensya, dawa ngani nagkaigwa nin kadikit na karibarawan sa trapiko huli sa kawaran nin karatula. Marikas ining naresolberan kan mga traffic enforcers.
Mayo nin mga mayor na insidente na nairehistro sa ibong kan rinibong mga nag-atender, na puminakol sa poco mas o menos 10,000 kan enot na banggi.
Pigrekomenda man ni Gumba anmas malinaw na direksyon na karatula, mas marhay na koordinasyon, asin probisyon nin mga serbisyo nin shuttle para sa siring na aktibidad.
