Ipinagpauktaba ni Israeli Prime Minister Benjamin Netanyahu an pagluluwas nin desisyon sa military action kan saindang nasyon duman sa Gaza sa masunod na semana.
Ini an kun dae magtugot an Hamas sa kasunduan para sa untok-putukan, sigun sa sarong source na pamilyar sa nasambitan ng ulayan.
An lakdang na ini ni Netanyahu an sa tahaw kan mga dae pagkakasundo sa gobyerno kan Israel katakod sa saindang magigin aksiyon sa Gaza.
Basado sa source, igwang nagkapirang tugot sa plano na palibutan an Gaza City asin iba pang population centers enkaso dae magtugot an Hamas sa kasunduan mantang an iba man an mawot na sakupon an siyudad.
An ibang ministro man an pabor sa ibang mga plano. Kan nakalihis na Huwebes, sinaysay kan sarong Israeli official na nagbibilog an Israel asin US nin panibagong kasunduan sa Gaza sa tahaw kan napareport na pag-atras kan Hamas gikan sa mga negosasyon para sa ceasefire asin hostage deal.
Sinaysay man kan opisyal na tatrabahuhon kan Israel asin Amerika an pagpapalangkaw pa kan humanitarian aid mantang ipinagpapadagos an military operations sa Gaza.
Alagad, marurumduman na naenot ng sinaysay kan Hamas kan nakalihis na Huwebes na committed sindang ipagpadagos an negosasyon sa permanenteng untok-putukan asin dagusang pag-withdraw kan pwersa kan Israel gikan sa Gaza alagad kaipuhan muna soboot mapamarhay nin husto an kondisyon sa Gaza.
