Liwat pigsunadan kan Sandiganbayan Special Third Division si Janet Lim Napoles kan reclusion perpetua o hasta 80 taon na pagkakakulong.
Ini an huli sa kasong two counts of malversation of public funds na igwang kinaaraman sa bakong makatarungang paggamit kan Priority Development Assistance Fund (PDAF).
Sa 165 dahong desisyon kan Sandiganbayan napatotoohan si Napoles asin na guilty sa malversation of public funds asin si dating Benguet Rep. Samuel Dangwa na nagkakantidad nin P19-milyon.
Nakapalaman sa ley na an tawong imbwelto sa malversation of public funds pupwedeng sunadan kan reclusion perpetua kun maglagpas sa kantidad P8.8-M an nakulimbat.
An mga kaso man ki Dangwa asin tolong iba pa pigbasura makalihis an saindang kagadanan sigun sa desisyon na iniakda ni Associate Justice Ronald Moreno an nangenot sa Special Third Division kan Sandiganbayan.
