Nakakaranas nin “unprecedented rainfall” sa eastern Japan na nagresulta sa malawakang pagbaha asin pagguho nin daga, na ikinagadan kan anom na tawo asin ikinalugad kan lima pa.
Segun sa mga awtoridad, kabali sa mga nagadan an sarong babae na nasa laog kan saiyang sasakyan na nalubog sa baha sa tinampo. Duwa man an nag-collapse sa tinampo asin dai naghaluy, binawian man nin buhay.
Huli kaini, inabisuhan an labi sa 100,000 na mga residente na maglikas matapos an mga naitalang landslide asin pagkawara kan suplay nin kuryente huli sa makukusog na pag-uran.Labi sa 20,000 households an nawaraan nin suplay nin kuryente, mantang may 7,000 biyahero na nai-report na stranded magdamlag sa Narita Airport sa Tokyo.
Sa Chiba, harani sa Tokyo, nakapagtala nin labi sa 100 millimeters nin uran kada oras poon pa kan hapon nin Huwebes. Tolong beses ini kan average rainfall ngonian na Agosto asin ini an pinakahalangkaw na naitala sa nasyon.
Katakod kaini, nag-isyu an mga lokal na awtoridad nin level five emergency warning, an pinakahalangkaw na alerto, kan Huwebes.
Alagad ibinaba ini sa level four kan Biyernes na aga. Padagos pa man an babala manungod sa peligro nin pagguho nin daga asin pagbaha.
An mahewasan na pagbaha kasunod kan serye nin mga bagyong nagtama sa Japan asin sa mga karatig na nasyon ngunian na semana, na may kaugnayan sa forecast na magiging mas aktibo an typhoon season.
